Qırım Müftiligi Mahaçkala şeerinde ötkerilgen halqara konferentsiyada iştirak etti | ЦРО ДУМК

Пятница

29

марта

19
Рамазан
1445 | 2024
Утр.5:00
Вос.6:18
Обед.12:53
Пол.16:20
Веч.19:17
Ноч.20:36
Времена намазов
Календарь 2024

Намаз

Qırım Müftiligi Mahaçkala şeerinde ötkerilgen halqara konferentsiyada iştirak etti

Опубликовано:

Qırım Cumhuriyeti ve Sevastopol şeeri musulmanları Müftisiniñ muavini Esadullah Bairov ve Kezlev bölgesiniñ baş imamı Eskender Memetov “Urf-adet saqlanıluvında diniy ve aileviy qıymetler: bugünki zorluqlar ve kelecek içün çezüv yolları” serlevhalı halqara diniy konferentsiyada iştirak ettiler. Konferentsiya Mahaçkala şeerinde ötkerildi (Dağıstan Cumhuriyeti).

Konferentsiya esnasında Müfti muavini Esadullah Bairov Qırım musulmanlarınıñ diniy yetekçisi hacı Emirali Ablayev adından sözge çıqtı ve “İslâm dininde ahlâqiy ve aileviy qıymetler” mevzusında muruzasını taqdim etti.

Konferentsiyada devlet akimiyeti idareleriniñ yolbaşçıları, Rusiye Federatsiyasınıñ bütün subyektlerinden kelgen itibarlı ilâhiyatçılar, Dağıstan Cumhuriyetiniñ din ve cemaat erbapları ve kütleviy matbuat vastalarınıñ vekilleri iştirak ettiler.

 

Qırım MDİ matbuat hızmeti