Qırım Cumhuriyeti ve Sevastopol şeeri Müftisi hacı Emirali Ablayev Canköy şeeri din cemiyetiniñ vekillerinen körüşti. Körüşüv devamında Qırım musulmanlarınıñ diniy yetekçisi toplanğanlarnen camilerniñ qanunlar boyunca resmiyleştirilüvini muzakere etti. “Bugünki künde camilerniñ ve ibadet evleriniñ resmiyleştirilüvi müim meseledir. Şu meseleniñ çezilüvine qoşulıñız, yerli akimiyetnen işbirlik quruñız, biz de sizge daima qol tutmağa ve uquqiy yardımnı köstermege azırmız”, – dep, qayd etti hacı Emirali Ablayev.
Körüşüvniñ soñunda Qırım ve Sevastopol Müftisi imamlarnı COVID-19 koronavirus infektsiyasınıñ darqalmaması içün eali arasında añlatuv işlerini keçirmege çağırdı.
Qırım MDİ matbuat hızmeti