Qırım Müftisi imamlarnıñ umumiy toplaşuvını keçirdi | ЦРО ДУМК

Пятница

29

марта

19
Рамазан
1445 | 2024
Утр.5:00
Вос.6:18
Обед.12:53
Пол.16:20
Веч.19:17
Ноч.20:36
Времена намазов
Календарь 2024

Намаз

Qırım Müftisi imamlarnıñ umumiy toplaşuvını keçirdi

Опубликовано:

Qırım Cumhuriyeti ve Sevastopol şeeri musulmanları diniy idaresinde (Tavriya Müftiyatında) Qırım Müftisi hacı Emirali Ablayevniñ rehberliginde bölgelerniñ baş imamları ve cami imamlarınıñ umumiy toplaşuvı olıp keçti. Qırım musulmanlarınıñ diniy yetekçisi Allahqa hızmet, vatanperverlik, milletseverlik aqqında tarif etti. “Siz insanlarnen çoq qonuşasıñız, olarnıñ arzu-isteklerini bilesiñiz. Eñ müimi – birleşmek, öz Vatanımızda yaşamaq, qorantalar qurmaq, balalarnı, torunlarnı östürmektir. Vaqıt yerinde turmay, o, ep ögge kete. Tünevin yapqan hatalarımız bugün artıq körüne ve yarın balalarımıznıñ hayatına tesir etecek. Bunı unutmañız ve camige kelgen adamlarğa da hatırlatıñız”, – dep, imamlarğa muracaat etti hacı Emirali Ablayev.

Bundan da ğayrı, Qırım Müftisi koronavirus hastalığına qarşı profilaktik tedbirlerniñ keçirilüvine urğu yaptı. “Hastalıq mevsimi başlandı. Koronavirus hastalığı da ortalıqtan ketmedi. Havfsızlıq tedbirlerini unutmamalı, hususan, insanlar toplu olğan yerlerde”, – dedi hacı Emirali Ablayev.

Körüşüv esnasında din hadimleri aktual meselelerni muzakere ettiler. Toplaşuvnıñ soñunda imamlar Qırım MDİ “Hidayet” gazetasınıñ yañı sanını bölgelerde musulmanlar arasında darqatmaq içün teslim aldılar.

Qırım MDİ matbuat hızmeti