Qırım Müftisiniñ Milliy birlik künü munasebetinen hayırlavı | ЦРО ДУМК

Суббота

24

февраля

14
Шабан
1445 | 2024
Утр.6:04
Вос.7:21
Обед.13:02
Пол.15:53
Веч.18:33
Ноч.19:49
Времена намазов
Календарь 2024

Намаз

Qırım Müftisiniñ Milliy birlik künü munasebetinen hayırlavı

Опубликовано:

Qırım Cumhuriyeti ve Sevastopol şeeri musulmanları diniy idaresi (Tavriya Müftiligi) adından yarımadamıznıñ bütün sakinlerini ve musafirlerini Milliy birlik künü munasebetinen hayırlayım! Bu yañı devlet bayramı çoqmilletli ve çoqdinli memleketimizniñ halqları arasında birlik ve dostluqnıñ timsali oldı. Memleketimizniñ pek zengin tarihiy keçmişi bar, kelecegi ise, er birimiznen bağlıdır.

Rusiye er zaman öz insanları ile sağlam ve küçlü edi. Ülkemizniñ tarihı bir çoq vaqialarnıñ aqibeti Rusiye milletiniñ birligi, bölünmezligi ve Vatanğa sevgisi ile bağlı olğanını defalarca kösterdi. Bu kün epimizge devletniñ küçü ortaq bir keçmişke ve ortaq kelecekke saip olğan birleşik ve mustaqil halqtan kelgenini hatırlata.

Qırımda yarımadamızda yaşağan halqlarnıñ medeniy asabalığını saqlap qaluvına ayrı emiyet berile. Bu – kelecegimizniñ temelidir, ve şu temel esasında bizler er bir zorluqtan keçip, tuvğan toprağımıznıñ şerefini qat-qat köterirmiz ve, böylece, memleketimizni küçlü, mustaqil ve sağlam qaldırırmız. Bu – ögge ketmek içün, kelecek nesillerge lâyıq, güzel ayat şartlarını teminlemek içün sağlam bir temeldir.

Rusiye vatandaşlarına çin yürekten eyilik, qaviy sağlıq, bahtlılıq ve tuvğan vatanımız, bütün Rusiye içün hayırlı işler becermek tileyim! Er bir qortantada amanlıq, añlayış ve qarşılıqlı sayğı olsun!

 

Qırım Müftisi hacı Emirali Ablayev