Moskva Cuma camisiniñ konferentsiya zalında "Galimcan
Barudiyniñ adına oquvlar" serlevhalı XVI Halqara ilâhiyat ilmiy-tahsil
konferentsiyası ve onıñ çerçivesinde "Rusiyede fetvalarnı berüv
usuliyeti: asabalıqnıñ analizi ve zemaneviy tecribe" serlevhalı II
Halqara Rusiyede fetvalar boyunca simpoziumı keçirildi. Mezkür
konferentsiyada Qırım Cumhuriyeti ve Sevastopol şeeri musulmanları
diniy idaresini (Tavriya Müftiyatını) fetvalar boyunca keñeşiniñ azası
Suleyman Samedinov temsil etti.
Tedbirde müftiler, imam-muhtasibler, merkezleştirilgen
musulman diniy teşkilâtlarnıñ ve RF bölgelerinden din cemiyetleriniñ
reisleri iştirak etti.
Tedbir teşkilâtçıları – RF musulmanları diniy idaresi, Moskva İslâm
institutı ve Sankt-Peterburg devlet universitetiniñ İslâmiy tedqiqatlar
merkezidir. Tedbir İslâm medeniyeti, ilimi ve tahsiline destek fondu,
"SAFMAR" hayriye fondu ve "Medina" neşriyat eviniñ destegi ile
keçirildi.
Qırım MDİ matbuat hızmeti