Noyabr 27 künü 2018 senesi Qırım Müftiliginde Qırım ve Sevastopol şeeri müsulmanları Diniy idaresiniñ içtimaiy-diniy “Hidayet” gazetasınıñ 25-yıllığına bağışlanğan tantanalı tedbir ötkerilecek.
Tedbir çerçivesinde “Qırımtatar basma neşriyatı. Aktual sualler, inkişaf yolları” mevzusında “tögerek masa” keçirilecek. Merasimge jurnalistler, qırımtatar KMV muarrirleri, “Hidayet” gazetasınıñ müellifleri qoşulacaq.
Tedbir devamında farqlı zamanlarda “Hidayet” gazetasınıñ inkişafını aks etken foto-arhivi taqdim etilecek.
Bundan da ğayrı, Qırım ve Sevastopol şeeri müsulmanları Diniy idaresiniñ “Emanet” bala ansambliniñ çıqışı planlaştırıla.
Tedbir Aqmescit ş., Kurçatova, 4, adresi boyunca Müftilikniñ konferents-zalında saat 15.00 başlanacaq.
QMDİ MDT matbuat hızmeti