Qurban bayramınıñ birinci kününde bayram namazı kütleviy şekilde Aqmescitteki Zenaat birlikleri (Profsoyuzlar) medeniyet evinde olıp keçti. Namazğa Qırımnıñ çeşit bölgelerinden kelgen insanlar toplandı.
Qırım musulmanlarınıñ diniy yetekçisi hacı Emirali Ablayev cemaat ögünde vaaznen çıqışta bulundı. Öz çıqışında Müfti musulmanlarnı barışıqlıqqa, birlikke, büyüklerni ürmet etmege ve imannı qaviyleştirmege çağırdı. Bundan soñ hacı Emirali Ablayev bayram namazını keçirdi.
QMDİ matbuat merkezi