Qırım Cumhuriyeti ve Sevastopol şeeri musulmanları diniy idaresinde “Sladkiy yug” (“Tatlı cenüp”) mesülieti sıñırlı cemiyetine elâllıq sertifikatı taqdim etildi. Şirket “Sherbet” ve “Crimean sweets” ticariy markalarını temsil ete. İnsanlarnıñ eyiligi oğrunda muvafaqiyetli çalışmalar tilep, vesiqanı Qırım ve Sevatopol Müftisiniñ muavini Raim Ğafarov şirketniñ ticariy rehberi Konstantin Zavaliyge taqdim etti.
Qayd etmeli ki, “Sladkiy yug” şirketi baqlava, tatlı loqum, elva, qurabiye, qadaif kibi tatlılıqlarnı istihsal ete.
İhtar: Elâllıq sertifikatını almağa istegen iş adamları QMDİ “Elâl” sertifikatsiyası merkeziniñ başlığı Remzi Qurtdedege nevbetteki telefon boyunca muracaat ete bile: +7 978 074 18 47, ya da el.adres: halal@qmdi.ru.
Qırım MDİ matbuat hızmeti