Qırımda Qurban bayramı keñiş şekilde qayd etildi | ЦРО ДУМК

Четверг

28

марта

18
Рамазан
1445 | 2024
Утр.5:02
Вос.6:20
Обед.12:53
Пол.16:20
Веч.19:16
Ноч.20:34
Времена намазов
Календарь 2024

Намаз

Qırımda Qurban bayramı keñiş şekilde qayd etildi

Опубликовано:

Adet üzre, Qurban bayramınıñ ilk kününi Qırım musulmanları tuvğanları ve yaqınlarınen keçirdi. Bayramnıñ ekinci kününden başlap, cami saalarında rayon ve köy miqyasında tedbirleri ötkerildi.

Böylece, Cürçi rayonında Qurban bayramını iyül 10 künü cami azbarında tantanalı şekilde keçirdiler. Bayramda rayon memuriyetiniñ birinci muavini Aleksandr Sokolovskiy ve Cürçi köy şurasınıñ reisi Vasiliy Morenberg iştirak ettiler. Musulmanlarnı Qurban bayramınen Cürçi rayonı din cemiyetiniñ reisi Vaid Bilâlov ve Cürçi rayonınıñ baş imamı Kemal Ğafarov hayırladılar. Vasiliy Morenberg öz çıqışında musulmanlarnıñ ahlâqiy degerleri ve ananeviy qıymetleriniñ inkişafında, çoqmilletli devletimizniñ medeniyeti saqlanması ve halqlar arasında dostluq ve birdemlik munasebetleriniñ pekinmesinde Qurban bayramınıñ büyük rolüni qayd etti. Bayram içün kontsert programması azırlanıp keçti, anda qırımtatarlarnıñ yır ve oyunları taqdim etildi. Balalarnı animatorlar eglendirdi, er kesniñ merağını zorb-şarlar ve pnevmatik tirler celp etti. Oğlanlar qırımtatar milliy küreş yarışında küçüni kösterdi. Ocaqta pilâv pişirildi. Bazı vaqıtları yağmur sepelese de, o, merasimge keder etmedi.

Aynı şu künde, iyül 10-da, Aqmescit şeeriniñ Borçoqraq qasabasınıñ sakinleri içün Qurban bayramı teşkil etildi. Mında balalar ve olarnıñ ana-babaları içün Quran yarışları olıp keçti.

Aqmeçit (Çernomorskoye) rayonınıñ Yaşpek (Vnukovo), Qızıl Çoñrav (Krasnaya Polâna) ve Çegelek (Küznetskoye) köyleriniñ sakinleri ise, Qurban bayramını iyül 11-de kütleviy şekilde qayd ettiler. Tedbir çerçivesinde oyunlar, viktorinalar, resim yarışları olıp keçti. Balalar şiirler oqudılar ve yırlar icra ettiler, muqaddes Quran kitabından sureler ve dualar oqudılar. Oğlanlar milliy küreş boyunca turnirde iştirak ettiler.

QMDİ matbuat hızmeti