Raim Ğafarov Aqmescit rayonınıñ suv basqan köylerini ziyaret etti | ЦРО ДУМК

Пятница

29

марта

19
Рамазан
1445 | 2024
Утр.5:00
Вос.6:18
Обед.12:53
Пол.16:20
Веч.19:17
Ноч.20:36
Времена намазов
Календарь 2024

Намаз

Raim Ğafarov Aqmescit rayonınıñ suv basqan köylerini ziyaret etti

Опубликовано:

Qırım Cumhuriyeti ve Sevastopol şeeri musulmanları Müftisi hacı Emirali Ablayevniñ avalesi ile onıñ muavini Raim Ğafarov suv basqınına oğrağan Aqmescit rayonınıñ Sarabuz (Gvardeyskoye), Sofiyevka ve Yañı Sarabuz (Ukromnoye) köylerini ziyaret etip, sağanaq yağınlar neticesinde evleri suvnen taşıp tolaraq, zarar körgen insanlarnen körüşti. “Evler özenniñ taşmasından sebep büyük zarar kördi. Şimdi kommunal hızmetiniñ hadimleri evlerden suvnı çekmekte, etrafnı temizlemekteler. Yerli akimiyet ile işbirlikte biz insanlarğa şu ağır vaziyetten çıqmaları içün yardım etecekmiz, çünki suv tübünde qalğan evlerni tamirlemek kerek, mebel ve tehnika qullanmaz alğa keldi”, – dedi Raim Ğafarov.

Qayd etmeli ki, şimdi qurtarıcılar ve kommunal hızmetniñ hadimleri suv basqınınıñ neticelerini ortadan yoq eteler. Bundan da ğayrı, meydanğa kelgen zarar esaplana. Evelden qayd etilgeni kibi, Qırım Cumhuriyeti akimiyetiniñ resmiy portalında Aqmescit şeerinde ve Aqmescit rayonında regional seviyede belediye arası fevqulâde vaziyet aqqında ferman yayınlandı.

Qırım MDİ matbuat hızmeti

Telegramm kanalına abune oluñız – https://t.me/qmdi_org