Raim ĞAFAROV: “Caminiñ rekonstruktsiyası ve açıluvı – musulmanlar içün büyük vaqia” | ЦРО ДУМК

Четверг

28

марта

18
Рамазан
1445 | 2024
Утр.5:02
Вос.6:20
Обед.12:53
Пол.16:20
Веч.19:16
Ноч.20:34
Времена намазов
Календарь 2024

Намаз

Raim ĞAFAROV: “Caminiñ rekonstruktsiyası ve açıluvı – musulmanlar içün büyük vaqia”

Опубликовано:

Qırım Cumhuriyeti ve Sevastopol şeeri Müftisiniñ muavini Raim Ğafarov Hacıtarhanda (Astrahan şeerinde) Yeşil caminiñ rekonstruktsiyadan soñ tantanalı açıluvı merasiminde iştirak etti. Toplanğanlar ögünde çıqışta bulunıp, Raim Ğafarov Qırım musulmanlarınıñ diniy yetekçisi hacı Emirali Ablayevniñ selâmlarını ayttı ve mezkür vaqianıñ Rusiye Federatsiyasında yaşağan bütün musulmanlar içün müimligine urğu yaptı. “Hadiste buyurıla: “Kim cami qursa, Allah oña cennette ev qurar”. Caminiñ eski şekilinen tamir etilüvi ve açılması – musulmanlar içün büyük vaqia. Çünki Allahnıñ evi sadece bir bina degil, mında insanlar Allahqa yaqınlaşıp, diniy maarif yolunda yañı bilgiler ögrene”, – qayd etti Qırım Müftisiniñ muavini Raim Ğafarov.

19 asırnıñ 30-ncı yıllarında qurulğan ve bölgedeki eñ eski mabedlerden biri olğan Yeşil cami kene musulmanlar içün öz qapularını açtı. Yerli musulmanlarnen beraber şu çoq beklenilgen merasimde Rusiyeniñ baş müftisi, Rusiyeniñ Merkeziy musulmanlar diniy idaresiniñ reisi Talğat Tacuddin ve Hacıtarhan vilâyetiniñ maalliy musulmanlar diniy idaresiniñ başlığı Rauf Cantasov iştirak ettiler.

Yeşil camisi aman-aman yüz yıl devamında musulmanlarnıñ toplağanı maneviy merkez olğan, amma 1938 senesi o, diger bir çoq mabed kibi, qapatıldı. Binası medeniy ve içtimaiy ihtiyaclar içün qullanıldı. Çoq yıllar devamında bina cami olaraq qullanılmadı, niayet, 2012 senesi, onıñ rekonstruktsiyası başlandı.

Buña yerli sakinler teşebbüs kösterdi. Adet üzre, caminiñ yañıdan tiklenmesi içün paranı, din mensübiyetine baqmadan, lâqayd qalmağan bütün insanlardan topladılar. Büyük destek köstergen sponsorlar da tapıldı. Bugün ise, iyünniñ şu aydın kününde, Yeşil cami namaz içün kene musulmanlarnı topladı. Söz sırası, cami 250 kişilik qararlaştırılğan.

Qırım MDİ matbuat hızmeti