Qırım Cumhuriyeti ve Sevastopol şeeri Müftisiniñ muavini Raim Ğafarov iş ziyareti ile İslâm Terek rayonınıñ Caylav Saray (Zolotoye Pole) köyüne bardı. Anda o, yerli din erbapları körüşip, olarna raatsız etken yerli musulman din cemiyetiniñ problemalarını muzakere etti. Hususan, körüşüv devamında din hadimleriniñ ihtisasınıñ yükseltilüvi, köylerde çalışacaq din hadimleriniñ azırlanuvı, yerli sakinler içün İslâm temelleri kurslarınıñ açıluvı meseleleri muzakere etildi. Bundan da ğayrı, Raim Ğafarov diniy teşkilâtlarğa ait binalarnıñ ve topraqlarnıñ havfsızlıq (antiterroristik) pasportlarınıñ resmiyleştirilüvi meselesine urğu yaptı.
Körüşüvniñ soñunda toplanğanlar İslâm Terek rayonındaki Çelebi Eli (Lgovskoye) köyüniñ vefat etken imamı Üsein Aliyevni duanen añdılar.
Qırım MDİ matbuat hızmeti