Къырым мусульманларынынъ Муфтиси, хаджы Эмирали Аблаевни Къырым Джумхуриетининъ Башлыгъы Сергей Аксёнов догъгъан куню иле хайырлады.
«Сиз Къырым мусульманлары арасында урьмет къазангъан инсансынъыз, Ислям медениетининъ зенгин маневий-ахлякъий къыйметлерининъ къорчаланмасына буюк иссенъиз бар. Къырым Джумхуриети ве Севастополь шеэри мусульманлары диний идареси сизинъ рехберлигинъизде Къырым топрагъында бирлик, барышыкълыкъ ве муаббетликнинъ сакъланувы ичюн буюк иш алып бара, фаркълы сааларда эмиетли джемиет лейхаларыны омюрге кечире.
Арбийлеримизге дестек косьтергенинъиз исе, айры дикъкъаткъа ляйыкъ. Сизге къавий сагълыкъ, эйи аллар, къойгъан макъсатларынъызгъа иришмек, Къырымнынъ ве Русиенинъ эйилиги ичюн хызметинъизде мувафакъиетлер тилейим», – деп, къайд этти Къырым Башлыгъы.
Къырым Девлет Шурасынынъ Реиси Владимир Константинов да хайырлав мектюбини ёллады.
«Сиз омюринъизни Ислямнынъ гуманист къыйметлерине хызметке, маневий-ахлякъий ёлбашчылыкъкъа, инсанларгъа ярдым этювге ададынъыз ве джемиетте урьмет къазандынъыз. Яшларнынъ талим-тербиесине къошкъан иссенъиз пек къыйметлидир. Сиз джумхуриетимизде миллетлерара ве динлерара бирдемликке, барышыкълыкънынъ ве истикърарнынъ пекинмесине ярдым этесинъиз. Бутюн эйи ишлеринъизде мувафакъиетлер тилеймиз! Юректен Сизге къавий сагълыкъ, кучь-къувет, узун ве сагълыкълы омюрлер, чокътарафлы япыджы фаалиетинъизде даимий мувафакъиетлер, гонъюль раатлыгъы, Сизинъ ве якъынларынъызнынъ аманлыкъта ве эйи алларда олмаларынъызны теменни этемиз!», – деп хайырлады Владимир Константинов.
Къырым МДИ матбуат хызмети