Bağçasaraydaki “Arslan” yaşlar içtimaiy medeniy ve sport teşkilâtı yanındaki İslâm temellerini ögrenüv kursunıñ qadın talebeleri qırımtatar maarifçisi İsmail Gasprinskiyniñ ev-müzeyini ziyaret ettiler. Ziyaretleri devamında ev-müzeyniñ müdiri Elmira Abibullayeva Bağçasaray camileri aqqında malümat taqdim etti.
“Biz işimizni renklendirmege tırışamız. Müftimiz hacı Emirali Ablayev tevsiye etkeni kibi, talebelerimizniñ ufuq dairesini arttırmağa tırışamız. Ümüt etem ki, añlatılğan malümatlar talebelerimiz içün faydalı oldı ve olar öz tuvğanları ve yaqınlarınen yañı bilgilerinen paylaşırlar”, – dep, qayd etti din ocası Leniye Emirova.
Qırım MDİ matbuat hızmeti