Окъув йылынынъ башланувы иле окъувны къолайлаштырмакъ, имтианларны яхшы бермек ичюн невбеттеки дуаларны окъумагъа тевсие этемиз.
Биринджи дуа
رَبِّ اشْرَحْ لِي صَدْرِي * وَيَسِّرْ لِي أَمْرِي * وَاحْلُلْ عُقْدَةً مِنْ لِسَانِي * يَفْقَهُوا قَوْلِ
«Рабби-шрахли ĉадри, ва яссир ли амри, вахлюль укъдатан мин лисани, яфкаhу къавли».
Манасы: «Аллахым! Гонълюмни ач! Меним узериме къоюлгъан ишни къолайлаштыр! Мен анълата бильмем ичюн тилимде олгъан тююмни чез» («Та-ха» суреси, 20/25-27 аетлери)
Экинджи дуа
رَبِّ زِدْنِي عِلْمًا
«Рабби зидни ‘ильман».
Манасы: «Аллахым! Бильгилеримни арттыр!» («Та-ха» суреси, 20/114 ает).
Учюнджи дуа
اللَّهُمَّ انْفَعْنَا بِمَا عَلَّمْتَنَا وَعَلِّمْنَا مَا يَنْفَعُنَا وَزِدْنِي عِلْمًا
«Аллаhумма-нфа’на бима ‘аллямтана ва ‘аллимна ма янфа’уна ва зидни ‘ильман».
Манасы: «Аллахым! Бильгилеримни файдалы къыл, бизге файдалы бильгилер бер ве оларны арттыр» (Тирмизи и Ибн Мадже).
Дёртюнджи дуа:
اَلَّلهُمَّ إِنِّي أَسْأَلُكَ عِلْمًا نَافِعًا، وَرِزْقًا طَيِّبًا، وَعَمَلاً مُتَقَبَّلاً
«Аллаhумма инни асъалюке ‘ильман нафи’ан ва ризкъан таййибен ва ‘амалян мутаḱаббалян».
Манасы: «Аллахым! Керчектен, сенден файдалы бильгилер, яхшы къысметлер ве разылыгъынъны къазандыраджакъ амеллер истейим» (Ибн Мадже).
ЛЕЙЛЯ Сейтмеметова