Къырым Джумхуриети ве Севастополь шеэрининъ Муфтиси хаджы Эмирали Аблаевнинъ Ораза байрамынен хайырлавы
Мусульманларнынъ эки буюк байрамдан бири олгъан Ораза байрамына келип етемиз. Къырым Джумхуриети ве Севастополь шеэри мусульманлары диний идареси (Таврия Муфтияты) адындан, бутюн Къырым мусульманлары адындан дюнья мусульманларыны бу буюк байрамнен хайырлаймыз.
Мубарек Рамазан айы девамында биз ораза туттыкъ, намаз къылдыкъ, шу джумледен, теравих намазларына эмиет бердик, топлу ве къоранта ичи ифтарларны кечирдик, нафиле ибадетлерни чокълаштырдыкъ, мухтаджларгъа ярдым эттик. Аллах Тааля дуаларымызны ве ибадетлеримизни къабул этсин, шу мубарек айда япкъан эйиликлеримизни мукяфатландырсын ве савабыны къат-къат арттырсын. Бутюн мусульманлар ичюн берекет, рахмет, иляхий риза ве багъышлав тилеймиз. Юдже Аллах косьтергенимиз сабырнынъ эджирини арттырсын ве Ислямнынъ догъру ёлу узеринде эпимизге себат ве самимиет насип эйлесин.
Ораза байрамы юреклеримизде айдын умютлернинъ фиданыны сачсын ве ярынки куньге ишанчымызны къавийлештирсин. Сизге ве къоранталарынъызгъа къавий сагълыкъ, бахт, мувафакъиетлер, аманлыкъ, эйилик ве берекет тилеймиз!
Хаджы Эмирали АБЛАЕВ, Къырым Джумхуриети ве Севастополь шеэри Муфтиси.
Поздравление Муфтия мусульман Крыма и г. Севастополь хаджи Эмирали Аблаева с праздником Ораза-байрам
Наступает один из главных праздников для всех мусульман — Ораза-байрам. От имени Духовного управления мусульман Крыма и г. Севастополь (Таврический Муфтият), от имени всех мусульман Крыма и г. Севастополь поздравляем всех братьев и сестер с этим великим праздником.
В течение священного месяца Рамазан мы постились, совершали намазы, в том числе теравих-намазы, совершали коллективные и семейные ифтары, помогали нуждающимся. Пусть Всевышний Аллах примет наши молитвы и богослужения. Наградит нас за наши добрые дела в месяце Рамазан как за искренние фарзы в остальные месяцы и пусть многократно увеличит наши награды за фарзы в этом месяце. Просим благодать, милость, довольство и прощение для всех мусульман. Пусть Всевышний Аллах многократно воздаст за проявленное терпение и дарует твёрдость и искренность на пути Ислама.
Пусть праздник Ораза-байрам вселяет в сердца светлые надежды, укрепляет веру в завтрашний день. Желаю крепкого здоровья, счастья и успехов вам и вашим семьям, мира, добра и благополучия!
Хаджи Эмирали АБЛАЕВ, Муфтий Крыма и г. Севастополь.