Qırım Müftisi hacı Emirali Ablayev Qalay medresesiniñ ocalarınen körüşüv keçirdi.
Şimdiki vaqıtta, ocalar islâm tasili standartlarına esaslanıp, medresede yañı ve innovatsion usullarnı qullanmağa tırışalar. Hususan, yañı oquv yılından mültimedia ilâveleri işlep çıqarılacaq, yañı tehnologiyalar işletilecek. Bundan da ğayrı, balalar oquycaq kitaplar qırımtatar tilinde basılacaq. Asılında, talebeler endi eki yıl devamında yañı programma boyunca oquylar, amma, oquv programması tam olaraq 2018 senesine qadar yañartılacaq. Körüşüv neticelerine köre, Müfti hacı Emirali Ablayev ocalarnıñ omuzlarına tüşken mesülietni ayırıca qayd etti, çünki olar yaş müneverlerni, diniy erbaplarnı yetiştirgen insanlardır ve bu iş içün mesüldirler.
QMDİ MDT matbuat hızmeti
