Qarasuvbazarda yerleşken Refat Veliulla adına Cuma camisinde «Quran bayramı» merasimi olıp keçti.
Bayramda em balalar, em üykenler iştirak ettiler. Çeşit yaşta olğan balalar teatral levhalarnı sanalaştırdılar, şiirlerni ezberden aytıp berdiler ve ilâhilerni icra ettiler.Üykenler ise, meraqlı ve faydalı viktorina suallerine cevap berdiler, bilgilerini kösterdiler. Qurannı oqumağa ögrengen 15 talebege Qırım Müftiyatı adından muqaddes Kitap nushalarını ediye olaraq taqdim etildi. Teşkilâtçılarnıñ bildirgenine köre, Qarasuvbazar rayonı maarif işinde eñ faal rayonlarından biridir. Rayonnıñ aman-aman er köyünde «Faydalı ilim» leyihasınıñ çerçivesinde qadın ve balalar içün din esasları ve Quran kursları çalışa.
QMDİ MDT matbuat hızmeti