Qırım müsülmanları diniy idaresinde regionlarda hızmet etken imamlar ve Qırım regional müsülman din cemiyetleri yolbaşçılarınıñ iştiraginen ananeviy toplaşuv ötkerildi.
Tedbirniñ başında «Diniy adetlerge köre müsülmanlarnıñ cenaze merasimleri» mevzusında lektsiya oquldı. Soñra, imamlarnen Qırım Müftisi hacı Emirali Ablayev körüşti.
İmamlar keçken 2016 senesi yapılğan işler boyunca esabat berdiler ve 2017 senesine tedbirler cedvelini muzakere ettiler. Hususan, «Ezan sedası» yarışı ve «Merhametlik» aktsiyası aqqında söz yürütildi.
Müftiniñ sözlerine köre, şimdiki vaqıtta Qırım müsülmanlarınıñ esas maqsadı yaşlarnı terbiyelemek, radikalizm ve ekstremizniñ inkişafına yol bermemek, din qardaşlarınıñ aq ve uquqlarını qorçalamaqtır.
Tedbirniñ soñunda Müfti iştirakiçlerge tınçlıq, amanlıq ve eyilik tiledi.
QMDİ MDT matbuat hızmeti
