Qırım Cumhuriyeti ve Sevastopol şeeri musulmanları diniy idaresi Yalta sakinlerini İslâm temelleri kurslarına davet ete. Dersler nevbetteki adres boyunca ötkerilecek: Ayvasıl qasabası, Repina soqğı, 33 – er bazar künü, saat 17:00-18:00 ve saat 18:00-19:00 araları. Derslerge balalar ve qadın-qızlar yazılması mümkün.
Bundan da ğayrı, Aluşta bölgesindeki Körbek (İzobilnoye) köyüniñ sakinleri de İslâm temelleri kurslarına yazıla bileler. Dersler er salı künü saat 15:00-16:00 ve 16:00-17:00 arası, er cuma ertesi künü saat 15:00-17:00 ve 17:00-18:00 arası camide ötkerilecek.
Tafsilâtlıca malümatnı nevbetteki telefon nomeri boyunca ögrenmek mümkün +7978 682 95 62 (din ocası Ayşe Okazova).
Qırım MDİ matbuat hızmeti