Aciliqqa barmaq
2020 senesi hacılıqnıñ ümüti ile!
Опубликовано:
Bütün dünyada üküm sürgen epidemiologik vaziyetke baqmadan, Qırım Cumhuriyeti ve Sevastopol şeeri musulmanları diniy idaresi ve AVN-tur Qırım hacılıq-operatorı 2020 senesi Hacılıqqa azırlıq işlerini devam ete. Hacılıq ibadetini yerine ketirmege istegen er keske Rusiye vatandaşı hariciy pasportınıñ 10 yıllıq yañı (biometrik) şekilini almaqnı tevsiye etemiz. Hariciy pasportnı almaqnıñ müddeti – 30 kündir, bundan da ğayrı, pasrpotnı almaq içün öz regionında şahsen kelmek şarttır. Devlet hızmetleri (Gosuslugi) saytında da hariciy pasportnı daa qolay şekilde yaptırmaq mümkün. Bu sene hacılıqqa barmağa niyetlengenler evelden hariciy pasportlarnı azırlatmaq kerekler, çünki hacılıq yolculığı hariciy pasport azır olmadan imkânsızdır. Ümüt etemiz ki, Allahnıñ yardımı ile yaqın zamanda vaziyet eyileşir ve biz hacılıqqa barmağa istegenlerni muqaddes yolculıqqa ozğara bilirmiz. QMDİ matbuat hızmeti
Ufada 2020 senesi hacılığına azırlıqlar muzakere etildi (FOTO)
Опубликовано:
Qırım Müftisiniñ muavini Ayder İsmailov ve QMDİ-niñ AVN-TUR Qırım hac operatorınıñ müdiri Artur Reşitov 2020 senesi, fevral 13 künü Ufada olıp keçken hacılıq boyunca muşaverede iştirak ettiler. Muşavereni RF Federatsiya Şurası Reisiniñ muavini, Rusiye Akimiyetiniñ Diniy birleşmeler komissiyasınıñ Hacılıq işleri boyunca salahiyetli temsilcisi İlyas Umahanov alıp bardı. Muşavere çerçivesinde federal maqamlarnıñ, diniy idarelerniñ ve Rusiye hac missiyalarınıñ vekilleri Rusiye-saudiye protokolı çerçivesinde rusiyeli hacılarnıñ qabul etilüvi, olarğa Saudiye Arabistanı Qırallığında ve tranzit memleketlerde eyi şaraitlerniñ teşkil etilüvi kibi 2020 senesi hacılığına ait meselelerni muzakere ettiler. Hususan, Qırım Müftisiniñ muavini Ayder İsmailovnıñ sözlerine köre, Rusiye hac missiyası hac operatorlarına saudiye tarafı ile maddiy añlaşmalarnı vaqıtında eda etmege tevsiye etti, bundan da ğayrı, ayrı diqqat ealige dolandırıcılar tarafından sahte hızmetlerniñ kösterilüvine qarşı uquqoruyıcı organlarnıñ celp etilmesi meselesine diqqat ayırıldı. 2020 senesi Rusiye musulmanları içün hac kvotası 25 biñ yerni teşkil etti. Muşavere neticesinde Qırım musulmanları içün ayırılğan kvota keçken senege köre deñişmedi ve 600 yerni teşkil etti. 2020 senesi hacılıq mevsimi mayısnıñ 24-nde başlanacaq ve sentâbr 4 kününe qadar devam etecek. Bundan da ğayrı, yañılıqlar arasında saudiye tarafı kirsetken 300 real viza toplavı ve 100 real köleminde siğorta tölevidir. Bundan evel, hacılıqqa tekrar barğanlar içün 2000 real miqdarında tölev lâğu etildi. Naqliye hızmetleriniñ fiyatı deñişmedi, amma, aynı zamanda, istegenler içün aeroporttan musafirhanege qadar bagajnıñ tranziti hızmeti kirsetildi. Hacılıq Şurasınıñ Muşaveresini keçirüv çerçivesinde iştirakçiler Rusiye İslâm institutını ziyaret ettiler. Universitetniñ rektorı Artur Suleymanov musafirlerni oquv programması ve ceryanınen tanış etti. Ayder İsmailov ve Artur Reşitov Boşqortostan Cumhuriyetiniñ reberligini ve Rusiye Musulmanları Merkeziy Diniy İdaresine tedbirniñ teşkil etilüvi ve sıcaq qabul etüv içün teşekkürler bildirdiler. QMDİ matbuat hızmeti [gallery link="file" columns="4" size="medium" ids="37085,37087,37019,37017,37015"]
Saudiye Arabistanı tekrar hacılıqqa barğanlarınıñ viza tölevini lâğu etti
Опубликовано:
Saudiye Arabistanı Qırallığınıñ Hacılıq işleri boyunca nazirligi tekrar hacılıqqa barğanlarınıñ viza tölevini lâğu etti. İşbu tölev 2015 senesi kirsetilgen edi. Hatırlatamız ki, tekrar hacılıqqa barğanlar, ilâve olaraq, 2000 saudiye realı (aman-aman $550) üstünden tölemek kerek edi. Bundan evel, 2019 senesiniñ küzünde nazirlik ümrege tekrar barğanlarnıñ ilâve tölevlerini lâğu etken etti. Lâkin, qayd etmeli ki, Saudiye Arabistanınıñ ükümeti, ilâve viza tölevini lâğu etmeknen bir sırada, hacılıqqa barğan er kesniñ vizası ve tibbiy sigortası içün töleviniñ miqdarı arttırıldı. Tafsilâtlı malümatnı nevbetteki telefonlar vastasınen ögrenmek mümkün: +7 (978) 09 08 202 +7 (925) 715 84 85, 8 (800) 551-31-30 (Rusiye içinde telefon açmaq bedava). Ya da QMDİ Qırım hacılıq operatorınıñ resmiy saytından: AVNTOUR.RU. QMDİ matbuat hızmeti
Ciddede 2020 senesi Rusiye Federatsiyasına berilgen hacılıq kvotaları boyunca protokol imzalandı (FOTO)
Опубликовано:
Qırım ve Sevastopol şeeri musulmanları diniy idaresiniñ Tış alâqalar ve hacılıqnı teşkil etüv bölüginiñ reberi Artur Reşitov Rusiye Federatsiyasınıñ hac missiyası terkibinde Saudiye Arabistanı Qırallığınıñ Hacılıq ve ümre naziriniñ muavinii Muhammed Salih Bentan ile körüşüvde iştirak etti. Körüşüv Saudiye Arabistanı Qırallığında RF Mesülietli ve Fevqulade elçisi Sergey Kozlovnıñ destegi ile keçirildi. Körüşüv devamında taraflar hicriy taqvim boyunca 1441 senesi hacılığına azırlanuv ve Rusiyeden hacılıqqa kelgenlerge lâzim bütün hızmetlerni kösterüvniñ koordinatsiyası meselelerini muzakere ettiler. Bundan da ğayrı, hac ve ümrenen bağlı umumiy meseleler, Hacılıq ve ümre nazirliginiñ Rusiye hacıları içün taqdim etken hızmetleri ve oñaytlılıqları boyunca meseleler baqıldı. Rusiye hac missiyasınıñ hacılıqnı yüksek seviyede teşkil etkeni qayd etildi. Körüşüv çerçivesinde Artur Reşitov Hacılıq ve ümre nazirine Qırım Müftisi hacı Emirali Ablayevden Qırım musulmanları içün hacılıqnı teşkil etüvde destek ve yardımları içün teşekkür bildirgen selâmlav mektübini taqdim etti. Körüşüvniñ neticesi olaraq, Rusiye Federatsiyası içün 2020 senesiniñ haccı kvotası boyunca protokol imzalandı. 2020 senesinden başlap, Rusiye içün hacılıq kvotası 4500 yerge artaraq, 25 000 yerni teşkil etecek. Rusiye tarafından protokolnı Rusiye Akimiyeti erkânında Diniy birleşmeler boyunca komissiyasınıñ Hacılıq işleri boyunca mesül hadimi İlyas Umahanov imzaladı, Saudiye Arabistanı tarafından ise, Saudiye Arabistanı Qırallığınıñ Hacılıq ve ümre nazirniñ muavini Abdulfettah bin Suleyman Maşat qol qoydı. Taraflar 2020 senesiniñ hac kampaniyası, er vaqıt olğanı kibi, yüksek seviyede, qabul etilgen vesiqalarğa esasen keçeceginden emin olğanlarını ifade ettiler. Rusiye Federatsiyası içün kvota arttırılğanından sebep, Qırım musulmanları içün de kvotanıñ 1 000-gece artması planlaştırıla. QMDİ matbuat hızmeti [gallery link="file" columns="4" size="medium" ids="36410,36408,36406,36404,36402,36400"]
2020 senesi hacılığına azırlıq işleri başlandı
Опубликовано:
2020 senesi, yanvar 18 künü Saudiye Arabistanı Qırallığında Rusiye Hac missiyasınıñ 2020 senesi hacılığını teşkil etüv boyunca işke başlamasınıñ çerçivesinde hac turoperatolarnıñ birinci muşaveresi olıp keçti. Qırım Cumhuriyetinden muşaverede Qırım ve Sevastopol şeeri musulmanları diniy idaresiniñ AVN-Tur turoperatorınıñ reberi Artur Reşitov iştirak etti. Muşavere iştirakçıları Saudiye Arabistanınıñ hacnı teşkil etüv boyunca mesülietli vekillerinen birlikte Hac missiyasınıñ planları ve vazifelerini, 2020 senesi hacılıqnıñ teşkil etilüvi boyunca körüşüvlerniñ planını muzakere ettiler. Hususan, körüşüvler çerçivesinde profil komitetler ve şirketler ile aviauçuşlar, transfer, logistik shemalar ve marşrutlar, tibbiy destek ve hacılaqqa barğanlarnıñ havfsızlıq meselelerini muzakere etmege planlaştırıla. Qırım içün kvota deñişmedi. Hatırlatamız, Qırım ve Sevastopol şeeri musulmanları diniy idaresiniñ AVN-Tur hac operatorı 2020 senesi hac ibadetini yerine ketirmege istegenlerniñ vesiqalarını qabul etmege devam ete. Qayd etilüv boyunca suallerni nevbetteki telefonlar boyunca ögrenmek mümkün: +7 (978) 09 08 202 +7 (925) 715 84 85, İlâve olaraq: 8 (800) 551-31-30, Rusiye boyunca telefon açmaq bedavadır. Ya da QMDİ-niñ Qırımdaki hac operatorınıñ resmiy saytından ögrenmek mümkün: AVNTOUR.RU. QMDİ matbuat hızmeti
Hacılıq – 2019: müim qararlar qabul etildi (FOTO)
Опубликовано:
Moskva şeerinde, Rusiye Akimiyetiniñ hac meseleleri boyunca Vekil, Federatsiya Keñeşi Başlığınıñ muavini İlyas Umahanovnıñ idareciligi altında Rusiye Hac missiyasınıñ keñleştirilgen Toplaşuvı olıp keçti. Mezkür tedbirde, Rusiyeniñ Hac-missiyası, Müftiler Keñeşi, müsulmanlarnıñ Diniy İdareleriniñ, Federal telükesizlik Hızmetiniñ, RF çetel işleri boyunca Nazirlikniñ, turizm boyunca Federal agentliginiñ, Rospotrebnadzor ve Rusiye aviatsiyasınıñ vekilleri iştirak etti. Qırım müsulmanları Diniy İdaresini Qırım Müftisi muavini Ayder İsmailov ve "AVN-Tur" hac-operatorınıñ vekili Artur Reşitov taqdim ettiler. Toplaşuv devamında, Hacılıq-2018 mevsiminiñ neticelerini çıqarıp, yekün çekildi ve Hacılıq-2019 teşkil etüv işleri boyunca müim qararlar qabul etildi. Hacılıq mevsimine azırlıq, turoperatorınıñ mesülietligi, avia bağ-alâqası boyunca añlaşmalarnıñ imzalanuvı, Rusiye kvotalarınıñ taqsimlenüvi, Saudiya Arabistanına kirmek içün viza kibi meseleler muzakere etildi. 2019 senesi Rusiye Federatsiyasından, hacılıq ibadetini 22000-den ziyade insan yerine ketirdi. Hac-missiyası vekilleri, Rusiye Federatsiyası Hac-missiyası tarafından qayd etilgen regional hac-operatorlarınıñ yüksek seviyedeki işlerine müsbet qıymet kesti. Qırım Müftisi muavini Ayder İsmailovnıñ bildirgenine köre, toplaşuvda, Saudiya Arabistanında bulunğan hacılarnıñ oñaytlı şaraitleriniñ eyilişüvi ile birlikte, aynı zamanda, devlette ekonomik şartlar deñişe, bu cümleden, hac ziyaretiniñ fiyatına tesir etebilecek vergi seviyesi artmaqta. Muşavere çerçivesinde, hacılıqqa ketkenlerniñ umumiy elektron cedevelini tizmek qararı qabul etildi. Bugünki künde mahsus Sertifikatnıñ şekili işlenilip çıqarıldı ve hac-turı içün para tölengende, hacılıqqa baracaq er insanğa individual Sertifikat taqdim etilecek. Bundan ğayrı, turoperatorlarınıñ, Rusiye hacılarına hızmet kösterüv içün nezaret daa ziyade artacaq. Ayder İsmailovnıñ aytqanına köre, mezkür müim qararlar, qanundan tış faaliyet köstergen turoperatorlarınıñ mesülietsiz areketlerini ögünden aldırmaq sebebinden qabul etildi. Ayder İsmailov: "İnsanlarğa nisbeten kösterilgen mesülietsizlik neticesinde, 1000-den ziyade insanlardan para ve vesiqalar toplanıldı, lâkin şu hacılar hacılıqqa öyle de barıp olamadı. İşbu sertifikatsiya aqqında qarar hacılarnı çeşit telükelerden qorumaq içün alındı", dep qayd etti.Bugünki künde, Rusiye Federatsiyası Hac-missiyası tarafından qayd etilgen hac-operatorlarınıñ cedveli endi tizildi. Litsenziyanı elde etken cemi 9 hac-operatorı faaliyet köstermekte. Astını çızaraq, qayd etmeli ki, mezkür cedvelge kirmegen tur-agentlikleriniñ ve tur-operatorlarınıñ, hacılıq ziyaretini teşkil etmek ve hacılarnı Saudiya Arabistanına alıp ketmek aqqı yoq. RF Hac-missiyasınıñ toplaşuvı devamında, Rusiye Federatsiyasınıñ regionlarındaki Diniy İdareleri arasında kvotalar bölündi. Bu yıl Rusiye içün kvota sayısı aynı qaldı. Qırım Cümhuriyeti içün kene de 600 yer olıp qaldı. Aynı zamanda, Qırım Müftiligi RF Hac-missiyasına, mezkür kvota saysını 1000-ce arttırmaq ricası ile resmiy mektüp yolladı. İlyas Umahanov, öz nevbetinde, kvotalarnıñ qoşuluvı meselesi ileride de RF çetel işleri boyunca Nazirlik ile birlikte baqılacaq. Bundan ğayrı, Saudiya Arabistanına hacılarnıñ kirmesi içün lâzim olğan viza vesiqası almaq içün qolaylaştırılğan şekili muzakere etilecek. Toplaşuv tedbiriniñ soñunda, 2018 senesi, Saudiya Arabistanı Qırallığına olıp keçken, hacılıq meseleleri ile meşğul olğan erkânnıñ ziyaretine ve Saudiya tarafı ile keçirilgen añlaşmalarğa yüksek qıymet kHatırlatamız ki, bu yıl hacılıq mevsimi avgustnıñ 9-dan 14-ne qadar devam etecek. QMDİ MDT matbuat merkezi [gallery link="file" columns="4" size="medium" ids="25530,25528,25524,25522,25520,25526,25532,25534"]
2018 senesi Hacılıqqa vesiqalarnıñ qabul etilmesi devam ete
Опубликовано:
Qırım ve Sevastopol şeeri müsulmanları Diniy idaresi erkânında faaliyet köstergen "AVN-Tur" hacılıq-operatorı hatırlata! 2018 senesi Hacılıqqa vesiqalarnıñ qabul etilmesi devam ete. 2018 senesi Hacılıqqa barmaq istegenlerniñ sayısı çoq olğanı içün, müsulmanlarğa vesiqalarnı tezce teslim etmege tevsiye etile. Hacılıq yerini ayırtıp saqlamaq içün, seçilgen bölükteki fiyatnıñ 50% ödemek lâzimdir. Vesiqalar Qırımda Aqmescit ş., Çehov s., 20 ve Moskva ş., Orconikidze s., 11, 1a binası, XVI ofisinde qabul etile. Malümat içün telefon: Qırımda +7978 0908 202 ya da 8 800 5513130 — Rusiye boyunca telefon etmek bedava. Hacılıqqa yazılmaq içün RF iç pasportı + kserokopiyası; — tölev aqqında kvitantsiyasını (eñ azı 50%) ketirmek kerek; QMDİ matbuat hızmeti
Qırım Müftiligi hacılar içün aktsiya ilân ete
Опубликовано:
Qırım ve Sevastopol müsulmanları Diniy idaresi Mekke ve Medineniñ muqaddes yerlerinde hacılıq ibadetini yerine ketirmek istegenlerinden vesiqalarnı qabul etmege başladı. Hacılıqqa barmağa niyetlengenler içün, Qırım MDİ "AVN hac-tur" hacılıq operatorı mahsus aktsiya ilân etti. Martnıñ 31 qadar hacılıq turı fiyatınıñ 50 fayıznı tölegenler içün 100 dollar para miqdarında endirim yapılacaq. Hacılıq turı içün er ay tölevler eda etilecegi taqdirde insanlarnı, kvota boyunca yer tutulmasına kefillik, şaraitke baqmadan fiyatnıñ deñişmegeni ve 100-dollarlıq qadar endirim beklemekte. Aktsiya 2018 s. martnıñ 31-ne qadar devam etecek. Tavsilâtlıca avntour.ru resmiy saytında ya da +7 978 0908 202 telefon vastası ile ögrenmek mümkün. QMDİ MDT hızmeti
Qırım müsülmanları dindaşlarnı Hacılıqqa ozğardılar (FOTO)
Опубликовано:
Avgustnıñ 14-nde Qırım müsülmanlarınıñ birinci gruppa vekilleri Mekke ve Medineniñ muqaddes yerlerine yol aldılar. Hacılıq seferine episi olıp 64 adam çıqtı. Olarnı Qırım Müftiyatı hadimleri, soydaşları, yaqınları ozğardılar. Qırım Müftisiniñ muavini Ayder İsmailov yolcularğa muvafaqiyetler tiledi. "Allah dualarıñıznı qabul etsin, qaza-belâdan saqlasın. Seferni aman-esen keçirip, eviñizge ter-temiz, günâhsız qaytmaqnı tileyim. Menim sizge bir ricam bar:biri-biriñizge yardım etip, Vatan, millet ve dindaşlarımız içün dua etiñiz. Oğurlı yollar olsun", - dedi Ayder İsmailov. Yolcular Aqmescitten Krasnodarğa qadar avtobuslarnen baracaqlar, ondan soñ, Dubaige barıp çıqacaqlar. BAE kene de avtobuslarğa minip, başta bir Medinege, soñra Mekkege Hacılıq ibadetini yerine ketirmek içün ketecekler. Qırım müsülmanlarınen beraber Qırım Müftiyatınıñ hadimleri bulunalar. Bu aynıñ soñuna qadar daa 4 gruppa Hacılıqqa yol alacaq. Umumen alğanda, bu yıl Qırım Cumhuriyetinden 370 adam muqaddes yerlerni ziyaret etecek. Hacılıq– Mekke ve Medinede Muhammed Peyğamberimizniñ (s.a.v) ayatınen bağlı aziz yerlerniñ ziyaretinen bağlı bir ibadettir. Müsülman olğan er kes ömürinde iç olmadı bir kere Hacılıqqa barmaq kerek. QMDİ MDT matbuat hızmeti [gallery link="file" columns="4" size="medium" ids="7397,7395,7393,7391,7389,7387,7385,7383,7381,7379,7377,7375,7373,7371,7369"]
Aqmescitte Qırımdan Acılıqqa baracaq müsülmanlar içün seminar teşkil etilecek
Опубликовано:
Avgustnıñ 10-nda Aqmescitniñ merkeziy Kebir camisinde Qırımdan Acılıqqa baracaq müsülmanlar içün seminar ötkerilecek. Bu kibi tedbir er yıl teşkil etile. Toplaşqanlarğa İslâmnıñ farzlarından biri – Acılıq aqqında malümat berilecek, bunıñnen beraber, seferniñ bütün hususiyetleri Acılıqnıñ manası, sevabı ve bu ibadetniñ yerine ketirilüv adeti tavsilâtlı şekilde añlatılacaq. Bu cümleden, tibbiyet hadimleri öz tevsiyelerinen paylaşacaqlar, AVN-TUR turistik şirketiniñ vekilleri yolculıq programmasınen tanış etecekler. Bugünki künde Qırım Müftiyatı tarafından 400 ariza qabul etildi. Vesiqalar ep qabul etile, amma, muqaddes yolğa çıqacaq müsülmannıñ çetel pasportı azır olmalı. Qırım müsülmanlarınıñ birinci gruppası avgustnıñ 14-nde yolğa çıqacaq. Seminar Aqmescit ş., Kurçatov soq.,4 adresi boyunca, saat 9:00-da keçirilecek. QMDİ MDT matbuat hızmeti
Хадж – 2017. Новшества для крымских мусульман
Опубликовано:
В Крыму начат прием документов в Хадж. Духовное управление мусульман Крыма разработало для крымских мусульман ряд новшеств. (more…)