1944 sene, mayıs 18 künü sürgünliginiñ 80-inci yıldönümi | ЦРО ДУМК

Вторник

25

июня

19
Зуль-хидждже
1445 | 2024
Утр.2:50
Вос.4:48
Обед.12:51
Пол.16:55
Веч.20:44
Ноч.22:41
Времена намазов
Календарь 2024

Намаз

1944 sene, mayıs 18 künü sürgünliginiñ 80-inci yıldönümi

Опубликовано:

Bağçasaray rayonındaki “Süyren” demiryol stantsiyasında yerleşken “Qırım halqlarınıñ ğayrıdan tiklenüv yolu” hatıra külliyesinde 1944 sene, mayıs 18 künü Qırımtatar halqınıñ Qırımdan sürgün etilüvi qurbanlarını añuv kününde abidege güldesteler qoyuluvı merasimi olıp keçti. Adet üzre, merasim sükünet daqqasınen başlandı.

Qırım Cumuhriyeti ve Sevastopol şeeri Müftisi hacı Emirali Ablayev qayd etkenine köre, dehşetli ve adaletsiz sürgünlikten soñ 80 yıl keçti, amma qırımtatar halqınıñ yüreklerinde bu yara alâ daa acıta.

“Bizim halqımız başından keçirgeni dehşetni tüşüngenimizde, yüregimiz alâ daa sızlay. Bu bizim balalarımız ve kelecek nesiller içün de büyük yanıq olacaqtır. Biz Vatanımızğa qaytıp olamağan, sürgünlik yollarında ve sürgünlik yerlerinde canlarını bergen semetdeşlerimiz içün dua etemiz. Matem kününde bizge diger din vekilleri de destek köstereler, alımıznı añlaylar. Eminim ki, bugünki birligimiz ve dostane munasebetlerimiz böyle qorqunç künlerniñ tekrarlanmasına yol bermez”, – dedi Qırım Müftisi.

Hatıra tedbirinde Qırım Cumhuriyetiniñ başlığı Sergey Aksönov da iştirak etti. O, qayd etti ki, 1944 sene, mayıs 18 künü – tarihımıznıñ matem künüdir, bütün Qırım sakinleriniñ göñüllerini birleştirgen umumiy acıdır.

Matem tedbirleri Qırımnıñ bütün bölgelerinde keçirile, cumhuriyet ve belediye akimiyet organlarınıñ vekilleri, diniy hadimler ve cemaatçılıq abidelerniñ yanına güldesteler qoyalar.

 

Qırım MDİ matbuat hızmeti