Qurman Kemelçi qasabasında Amet-Han Sultannıñ 104 yıllığına bağışlanğan açıq santraç turniri olıp keçti.
Tedbirni Qırım Cumhuriyeti ve Sevastopol şeeri musulmanları diniy idaresi Qurman rayonınıñ memuriyeti, rayonnıñ Veteranlar şurası ve rayon tahsil idaresiniñ destegi ile keçirdi.
Turnir er yıl diniy idaremizniñ imamı, Veteranlar şurasınıñ azası Nusret Settarovnıñ teşebbüsi ve areketinen keçirile.
Tedbirniñ başında Qırım Müftisi hacı Emirali Ablayevniñ adından selâmlav sözleri ile Müfti muavini Emir-Asan Ümerov çıqışta bulunıp, böyle tedbirlerniñ müimligini añlattı.
“Biz daima qaramanlarımıznı hatırlamaq, olarnıñ yapqan qaramanlıqlarını bilmek kerekmiz, eñ başta yaşlarımızğa vananperverlik aşılamaq içün. Hususan, devletimiz içün şu qıyın zamanda bu daa da müim. Bu noqta-i nazardan turnirimizde bir çoq talebeniñ iştirak etmesi ğayet quvandıra”, – dedi Emir-Asan Ümerov.
Bundan da ğayrı, selâmlav ve ögüt sözlerinen rayon şurasınıñ başlığı Ölga Petrova, rayon Veteranlar şurasınıñ başlığı Valentina Smolkina, esli başlı vatandaşlarğa ve saqat insanlarğa hızmet etüv kompleksli merkeziniñ rehberi Lübov Prokopenko, Qırım musulmanları diniy idaresiniñ imamı ve Veteranlar şurasınıñ azası Talât Veliyev çıqışıta bulundılar. Arbiy hızmet veteranları şurasınıñ başlığı, istifağa çıqqan polkovnik Grigoriy Fed ise, çıqışında Amet-Han Sultannıñ ömür yolu aqqında tarif etti ve, şu cümleden, qaraman uçucınıñ Qurman rayonında, hususan, Büyük Onlar qasabasında yerleşken arbiy aerodromdaki faaliyetinden bir qaç meraqlı vaqia añlattı.
Qırım MDİ matbuat hızmeti