Qırım Müftisiniñ muavini Raim Ğafarov Sovetler Birliginiñ eki defa qaramanı, nam qazanğan uçucı-sınavcı Amethan Sultannıñ abidesi yanında güldestelerniñ qoyuluvı tantanalı merasiminde iştirak etti.
Ulu uçucınıñ hatırasını añmaq içün tedbirde Milletlerara munasebetler boyunca devlet komitetiniñ reisi Ayder Tippa, Aqmescit şeer şurası reisiniñ muavini Nadejda Aksönova, Aqmescit memuriyeti başlığınıñ muavini Vladimir Kim, din hadimleri ve cemaatçılıq vekilleri iştirak etti.
Tedbir iştirakçileri Amethan Sultannıñ hatırasını sukünet daqiqası ile añdılar ve abidesi yanına güldesteler qoydılar.
Qırım MDİ matbuat hızmeti