Aqmescit şeeriniñ Ana Yurt qasabasında qadınlar içün “Mubarek Üç aylarnıñ başlanuvı: Recep, Şaban ve Ramazan” adlı lektsiya keçirildi.
Bu sene Recep ayı yanvarniñ 23-nde başlana. “Keleyatqan mubarek Üç ay musulmanlarnıñ ayatında müim yer ala, bu vaqıtta qul aqqına kirmemek, dua etmek, oraza tutmaq, günahlar içün afu istemek içün ğayret etile”, – qayd etti din ocası Safiye Qurtdede.
Bundan da ğayrı, Aqmescit rayonınıñ Saraylı Qıyat (Mirnoye) köyüniñ din ocası Seyyare Memetova farz oraza tutulğan mubarek Ramazan ayına maneviy azırlıq aqqında tarif etti.
Qırım MDİ matbuat hızmeti