Qırım Cumhuriyeti ve Sevastopol şeeri musulmanları diniy idaresiniñ qadınlar bölügi ealiniñ diniy maarifi saasında işini devam ete. Böyleliknen, Aqmeçit rayonınıñ Kerlevut (Vodopoynoye) köyünde cuma aqşamı ve bazar künleri Quran oquvını ve İslâm temellerini ögretüv dersleri keçirile. Qızıl Çoñrav (Krasnaya Polâna) köyüniñ sakinleri ise, derslerge cuma aqşamı künleri qatnay bileler. Din ocası Abdulvapova Valide Aqmeçit qasabasında ve Yarılğaç (Mejvodnoye) köyünde de derslerni başlatmaq içün yañı sınıflarnı toplay. Yazılmaq içün telefon: +7 978 856 19 86.
İslâm Terek rayonınıñ Tamğacı (İzümovka) köyünde balalar er bazar künü saat 11.00-13.00 arasında İslâm temelleri derslerine qatnay bile. Qaragöz (Pervomayskoye) köyüniñ qadınları ise, er cuma aqşamı künü diniy derslerge qatnay bile. Tafsilâtlı malümatnı din ocası Natalya Vodopyanovadan ögrenmek mümkün: +7 918 378 19 83.
Qırım MDİ matbuat hızmeti