Qırım Cumhuriyeti ve Sevastopol şeeri musulmanları diniy idaresiniñ Yaşlar merkezi Bağçasarayda “Adaletli biznes” mevzusında seminarnı keçirdi. Seminarnıñ esas maqsadı yaşlarğa elâl biznesniñ inceliklerini açıqlamaq edi.
Tedbirniñ musafirleri ögünde Qırım Müftisiniñ muavinleri Artur Reşitov, Ayder İsmailov ve Emir-Asan Umerov, bundan da ğayrı, imam Şevket Habipov çıqışta bulundılar.
Seminar bir qaç mevzuğa bağışlanğan edi, esas mevzusı ise, “Biznesniñ maliyeştirilmesi” oldı.
Tedbirde muvafaqiyetli iş adamlarınıñ iştiraki ile “Sual-cevap” rubrikası teşkil olundı.
Tedbir musafirlerini medeniy programma, ameliy-dekorativ sanat yarmalığı, lezetli üyle aşı ve bütün iştirakçilerge taqdim etilgen bahşışlar quvandırdı.
Qırım MDİ matbuat hızmeti