Beloye-5 qasabasında tantanalı müitte cami açıldı | ЦРО ДУМК

Вс

09

февраля

10
Шабан
1446 | 2025
Утр.6:25
Вос.7:42
Обед.13:03
Пол.15:38
Веч.18:13
Ноч.19:31
Времена намазов
Календарь 2025

Намаз

Beloye-5 qasabasında tantanalı müitte cami açıldı

Опубликовано:

Aqmescitniñ Beloye-5 qasabasında resmiy şekilde Noman Çelebicihan adına cami açıldı. Tantanalı açıluv merasimi mubarek Qurban bayramı künlerinde keçirildi.

Qırım Müftisi hacı Emirali Ablayev adından ealini bu quvançlı vaqianen Qırım Müftisiniñ muavini Ayder İsmailov hayırladı.

“İnsanlar birleşip, şu camini qurdılar. Bizim eñ büyük ğururımız – dostluğımız ve birligimizdir. Biz daa bir yañı caminiñ açılışına pek quvanamız”, – dep, qayd etti Ayder İsmailov.

Qırım Müftisi hacı Emirali Ablayev adından yerli din cemiyetiniñ faal azalarına teşekkürnameler taqdim etildi.

Cami qurucılığı Qırım Cumhuriyeti ve Sevastopol şeeri musulmanları diniy idaresi, yerli din cemiyeti ve lâqayt qalmağan insanlarnıñ destegi ile alıp barıldı. Yañı camide 250 musulman sığa bile. Yaqın zamanda minareniñ de qurulması planlaştırıla.

 

Qırım MDİ matbuat hızmeti