Qırım Cumhuriyeti ve Sevastopol şeeri musulmanları diniy idaresinde Qırım Müftisi hacı Emirali Ablayevniñ ve Müfti muavini Raim Ğafarovnıñ rehberliginde bölge baş imamlarınıñ er aylıq toplaşuvı olıp keçti.
Diniy hadimler bölgelerinde yapqan işleri içün esabat berdiler, rayonlarında Qurban bayramınıñ qayd etilüvi boyunca meselelerni muzakere ettiler ve kelecek ayğa planlarını belgilediler.
Toplaşuvnıñ soñunda imamlar bölgelerinde musulmanlarğa darqatmaq içün Müftiligimizniñ resmiy “Hidayet” gazetasını aldılar.
Qırım MDİ matbuat hızmeti