Canköy rayonınıñ As Caraqçı (Rısakovo) ve Borlaq Tama (Novokrımskoye) köylerinde İslâm temelleri kurslarınıñ 13 talebesi elifbeni bitirip, Quran-ı Kerim oquvına keçti. Bu müim adımnen qızlarnı din ocası Safiye Acibekirova hayırladı. Tedbir Canköy şeeriniñ camisinde olıp keçti.
Hatırlatamız, Qırım musulmanları diniy idaresi (Tavriya Müftiyatı) yerli ealiniñ maarifi yönelişinde faal çalışa. Şeer ve köy camileri yanında İslâm temelleri kursları çalışa, kurslarnıñ talebeleri arap elifbesini ögrenip, Quran oquvına keçe.
Qırım MDİ matbuat hızmeti