Qırım Cumhuriyeti ve Sevastopol şeeri musulmanları diniy idaresinde (Tavriya Müftiyatında) Canköy rayonında çalışqan iş adamı Suleymanov Mustafa Rustemoviçke elâllıq sertifikatı taqdim etildi. O, büyük baş ve küçük baş ayvanlarnı soyıp, etlerini sata.
İnsanlarnıñ eyiligi oğrunda eyi çalışmalar tilep, sertifikatnı Qırım Müftisi hacı Emirali Ablayev taqdim etti. Qırım musulmanlarınıñ diniy yetekçisi bölge din hadimleriniñ elâl sanayısınıñ inkişafı saasında faal çalışmalarını qayd etip, rayonnıñ baş imamı Eldar Acibekirovge ve Canköy bölgesi din cemiyetleriniñ reisi Aziz Memetovğa işbirlikleri içün teşekkürnameler taqdim etti.
İhtar: Elâllıq sertifikatını almağa istegen iş adamları QMDİ “Elâl” sertifikatsiyası merkeziniñ başlığı Remzi Qurtdedege nevbetteki telefon boyunca muracaat ete bile: +7 978 074 18 47, ya da el.adres: halal@qmdi.ru.
Qırım MDİ matbuat hızmeti