Qırım Cumhuriyeti ve Sevastopol şeeri musulmanları diniy idaresi Canköy rayon memuriyeti tahsil bölüginiñ destegi ile “Diniy medeniyetlerniñ temelleri ve lâyıq etika” fennini alıp barğan ocalar içün seminar keçirdi. Seminar-lektsiyanıñ mevzusı – “İslâm medeniyetiniñ temelleri”.
Qırım Müftisi hacı Emirali Ablayev adından iştirakçilerni Canköy rayonı din cemiyetleriniñ reisi Aziz Memetov selâmladı. Tedbirniñ lektorı ise, İmam Maturidiy adına Qalay islâmiy ilimler medresesiniñ oqutuv-terbiye işleri boyunca müdirniñ muavini Ramazan Asanov oldı.
Seminarnıñ soñunda iştirakçilerge tahsil ders kursundan muvafaqiyetli keçkenleri aqqında sertifikatlar ile bahşışlar taqdim etildi.
Qırım MDİ matbuat hızmeti