Aqmescit rayonınıñ Colman (Pionerskoye) köyü camisinde qızdıruv sisteması yapıldı ve gaz sobası qoyuldı. Qırım Cumhuriyeti ve Sevastopol şeeri musulmanları diniy idaresiniñ yardımınen binanıñ gazlaştırıluvı boyunca bütün kerekli vesiqalar resmiyleştirildi.
Bundan soñ musulmanlar camide ibadetlerini sıcaqta ve oñaytlıqta yerine ketire bilecek.
Colman köyüniñ camisi 1990 seneleriniñ başında quruldı.
Qırım MDİ matbuat hızmeti