Cürçi rayonınıñ Toqulçaq (Grişino), Müniy (Stepnoye) ve Sarıbaş köylerinde imam Server Yağyayev “Muqaddes Ramazan ayı” mevzusında seminarlar keçirdi. Musulmanlarnen körüşkende, Server Yağyayev Ramazan ayınıñ maneviy ve musulmanlarnı meraqlandırğan tibbiy aspektleri aqqında tarif etti. “Men musulmanlarğa oraza vaqıtında özüni nasıl alıp barmaq kerekligi aqqında tarif ettim. Ayrı diqqat orazanı bozğan şeylerge ayırıldı”, – dedi Server Yağyayev.
Seminarlarnıñ soñunda musulmanlar olarnı meraqlandırğan suallerni berdiler.
Qırım MDİ matbuat hızmeti