Diqqat!
Qırım Müftisi hacı Emirali Ablayevge qarşı provokatsiyalar devam ete. İçtimaiy ağlardaki bot saifelerinden Müftiniñ adından provokatsiyalı yazılar darqatıla ve şahsiy mektüpler olaraq aqaretler messaclar yollanıla.
Qırım Cumhuriyeti ve Sevastopol şeeri musulmanları diniy idaresi (Tavriya Müftiyatı) bu saifelernen iç bir alâqası olmağanını bildire. İdaremiznen alâqalı bütün malümatlar ancaq QMDİ resmiy internet saifesinde ve içtimaiy ağlarnıñ resmiy saifelerinde yerleştirile.
Qırım Müftiyatı Qırım musulmanları diniy yetekçisini aqaretlemege tırışqanlarnı tapmaq maqsadınen İçki işler nazirligi organlarına muracaat etecek.
Qırım MDİ matbuat hızmeti