Qırım Cumhuriyeti ve Sevastopol şeeri musulmanları diniy idaresinde “Azbuka Krıma” (“Qırım elifbesi”), “Milaya derevnâ” (“Güzel köyçik”), “Cankoyskoye moloko” (“Canköy sütü”) ve “Cankoyskiy sır” (“Canköy qaşqavalı”) ticariy markalarınıñ saibi NOVATOR Mesülieti sıñırlı cemiyetine elâllıq sertifikatınıñ devam ettirilmesi aqqında vesiqa taqdim etildi.
Qırım Cumhuriyeti ve Sevastopol şeeri Müftisi hacı Emirali Ablayev iş adamlarına insanlarnıñ eyiligi oğrunda semereli çalışmalar tiledi.
İhtar: Elâllıq sertifikatnı almağa istegen iş adamları QMDİ “Elâl” sertifikatsiya merkeziniñ başlığı Remzi Qurtdedege nevbetteki telefon boyunca muracaat ete bileler: +7978 074 18 47, ya da el.adres: halal@qmdi.ru
Qırım MDİ matbuat hızmeti