Qırım Cumhuriyeti ve Sevastopol şeeri Müftisi hacı Emirali Ablayev Qırım Cumhuriyetiniñ Başlığı Sergey Aksönovnı doğğan künü ile hayırladı.
“Siz çoq yıllar devamında muvafaqiyetnen cumhuriyetimizniñ başında turasıñız, barışıqlıq ve muabbetlikni saqlamaq, içtimaiy ve iqtisadiy saalarnı inkişaf ettirmek ve bölgemizniñ medeniy zenginligini arttırmaq içün yapqan bütün ğayretiñiz büyük ürmetke lâyıqtır.
Ananeviy ve ahlâqiy qıymetlerimizni saqlamaq içün yapqan işiñiz ilhamlandıra ve maneviy-ahlâqiy qıymetlerniñ terbiye etilmesine yardım ete. Eminim, Siziñ rehberligiñizde Qırım Cumhuriyeti inkişaf etmege ve güllemege devam etecek.
Sizge işiñizge sadıqlığıñız, halqqa hızmetiñiz, destegiñiz, ikmetiñiz ve mesülietligiñiz içün teşekkür bildirem.
Sizge qaviy sağlıq, eyi allar ve küç-quvet tileyim. Yüce Rabbimiz Sizni ve yaqınlarıñıznı qorçalasın!”
Qırım MDİ matbuat hızmeti