Hacı Emirali Ablayev Qırım sakinlerini Ğalebe kününen hayırladı | ЦРО ДУМК

Вторник

25

июня

19
Зуль-хидждже
1445 | 2024
Утр.2:50
Вос.4:48
Обед.12:51
Пол.16:55
Веч.20:44
Ноч.22:41
Времена намазов
Календарь 2024

Намаз

Hacı Emirali Ablayev Qırım sakinlerini Ğalebe kününen hayırladı

Опубликовано:

Qırım Cumhuriyeti ve Sevastopol şeeri Müftisi hacı Emirali Ablayev Qırım sakinlerini Ğalebeniñ 79 yıllığınen hayırladı:

“Ürmetli dindaşlarım! Qıymetli qırımlılar!

Qırım Cuumhuriyeti ve Sevastopol şeeri musulmanları diniy idaresi adından ve şahsen özümden sizni Ulu Ğalebeniñ 79 yıllığınen hayırlayım!

Mayıs 9 – umumhalq ve umummillet bayramımızdır. Çoq beklegenimiz Ğalebege ep birlikte ğayret etip yetiştik. Buña köre de, bu – er birimiz içün hususiy ve müim bir bayram!

Ecdatlarımıznıñ ulu qahramanlığı daima yüreklerimizde yaşaycaq. Bizim umumiy maqsadımız – şu ürmetimiz ve sevgimizni kelecek nesillerge de aşılamaqtır.

Bugün, Allahnıñ inayeti ile, biz barışıqlıq ve muabbetlik içinde yaşaymız. Bunıñ içün evelâ Allahqa şükür etmelimiz, soñra da qartbabalarımızğa ve dedelerimizge, em de künümizde barışıqlıqnıñ olması içün cenk etken yaş askerlerge minnetdar olmaq kerkmiz.

Ulu Ğalebeni yaqınlaştırğan, Vatanımıznı qorçalağan, bütün halqlarğa Barışıqlıq ve Azatlıqnı ketirgen er kes içün duacımız.

Yüce Yaratıcımız er keske merhamet etsin, bereket ve qaviy sağlıq bersin!”

 

Qırım MDİ matbuat hızmeti