Qırım Cumhuriyeti ve Sevastopol şeeri Müftisi adından Müfti muavini Ayder İsmailov Rusiye Federatsiyası Qurucılıq nazirliginiñ medeniy miras obyektleri ile çalışuv boyunca “RosKapStroy” departamentiniñ rehberi Vasiliy Zavadiçke professionalligi ve Bağçasarayda Hanlar sarayındaki Büyük saray camisiniñ tamirlenüvi esnasında köstergen mesülietligi munasebetinen teşekkür bildirdi.
Al-ı azırda cami tamirlenüviniñ birinci devresi yekünlendi. Bundan soñ caminiñ içi süslendirilecek, örnekler boyalanacaq, minber, qapular ve diger interyer unsurları tamirlenecek.
Soñki nevbette ise, şadırvan ve imamnıñ evi tamir etilecek.
Qırım Cumhuriyeti ve Sevastopol şeeri musulmanları diniy idaresi Rusiye Federatsiyasınıñ Medeniyet nazirligine, Qırım Cumhuriyetiniñ Medeniyet nazirligine, Bağçasaray tarihiy-medeniy ve arheologik müzey-qoruqnıñ rehberiyetine ve qırımtatar halqı içün büyük emiyeti olğan medeniy abideniñ tamir etilüvinde iştirak etken er keske teşekkür bildire.