Имам Матуридий адына Къалай ислямий илимлер медресесинде тувгъан къырымтатар тили боюнджа ярыш отькерильди.
Медресе оджалары шу ярышны балаларгъа ана тилимизге севгини ашыламакъ, оны сакъламакъ ве зенгинлигини къорумакъ, халкъымызнынъ медениетини инкишаф эттирмек ичюн кечирелер.
Ярышта биринджи басамакъны мувафакъиетнен кечкен талебелер иштирак эттилер. Балалар дёрт такъымгъа болюнип ярышлашты.
Медресе мемуриети каъйд эткенине коре, имамларны ве дин оджаларыны азырламакъ ичюн бойле тедбирлер гъает муимдир.
КЪМДИ матбуат хызмети