Къырым джамилеринде фааль шекильде Ислям темеллерини ве Къуран окъувыны огренмеге ёнелик тедбирлер кечирильмеге девам эте.
Бойледже, Къурман къасабасындаки Мекке джамисинде район боюнджа Къуран ярышы олып кечти. Ярышта 30 къадын иштирак этти. Бутюн иштиракчилер сертификатларны эльде эттилер. Иштиракчилер идаремизнинъ оджалары Фадме Османова, Сафие Ягълыева ве Эльвиза Бекировагъа огреткен бильгилери ичюн тешеккюрлер бильдирдилер.
Джанкойде исе, джамиде эзан ярышы олып кечти. Ярышта иштирак эткен 17 ярышмаджыгъа жюри азалары къыймет кестилер. Эзанны эм буюклер, эм де балалар окъудылар. Гъалиплер бахшышлар иле такъдирленди.
Къарасувбазар шеэр джамисинде исе, диний хадимлер сиер боюнджа ярыш кечирдилер. Тедбирде бир чокъ бала иштирак этти. Олар ичюн бахшышлар ве татлы эдилер азырланылды.
Къырым МДИ матбуат хызмети