Къырым Джумхуриети ве Севастополь шеэри Муфтиси иле Къырым Джумхуриети ве Севастополь шеэри мусульманлары диний идареси Муфти муавини Эмир-Асан Умеровнынъ къорантасына анасы Хуроз Гульнар Эмир-Асан къызынынъ вефаты мунасебетинен ичтен тазие бильдирелер.
«Якъын инсанны джоймакъ – агъыр имтиандыр, Юдже Раббимиз шу сынавдан шерефнен кечмеге ярдымджы олсун. Аджынъызгъа эмдем олып, гонъюлимизде кедер дуямыз ве Аллах Таалянынъ мерхуменинъ джанына рахмет этмеси ве эбедий аятта оны энъ юксек дереджелернен мукяфатландырмасы ичюн дуа этемиз. Амин!», – деди Къырым Муфтиси.
Аллах рахмет эйлесин!
«Эпимиз Аллахкъа аитмиз ве къайтувымыз Онъадыр» («Бакъара» суреси, 2/156).
КЪМДИ матбуат хызмети