Къырым мусульманлары Мирадж геджесини къаршыладылар | ЦРО ДУМК

Вс

09

февраля

10
Шабан
1446 | 2025
Утр.6:25
Вос.7:42
Обед.13:03
Пол.15:38
Веч.18:13
Ноч.19:31
Времена намазов
Календарь 2025

Намаз

Къырым мусульманлары Мирадж геджесини къаршыладылар

Опубликовано:

Къырым мусульманлары диний идаресининъ хадимлери Къырымнынъ бутюн джамилеринде Мирадж геджесини кечирдилер.

Мисаль оларакъ, Сакъ шеэринде мусульманлар ифтаргъа топландылар, джемаат намазыны къылдылар ве Къуран окъудылар. Имамлар мусульманларгъа шу мубарек геджеде Мухаммед Пейгъамбернинъ мираджы акъкъында тариф эттилер.

Акъмесджитте, Белое-5 джамисинде къадынлар ичюн топлашув-лекция кечирильди. Анда идаремизнинъ оджалары Мирадж геджесининъ ери ве мусульманлар ичюн муимлиги акъкъында тариф эттилер. Тедбирде Акъмесджитнинъ фаркълы больгелеринден кельген 50-ден зияде киши иштирак этти. Тедбирнинъ сонъунда иляхийлер иджра этильди.

Хатырлатамыз, мусульман дюньясында Мирадж геджеси Къадир геджесинден сонъ энъ муим геджелерден бири сайыла. Адет узере, акъшам намазындан сонъ джамилерде диний программалар кечириле, оджалар мусульманларгъа шу гедженинъ Ислям тарихындаки эмиети акъкъында тариф этелер, Къурандан ве «Ясин» суресини ве дигер аетлерни окъуйлар.

 

Къырым МДИ матбуат хызмети