Къырым Джумхуриети ве Севастополь шеэри мусульманлары диний идаресинде (Таврия Муфтиятында) Къырым Муфтиси хаджы Эмирали Аблаевнинъ рехберлигинде больге баш имамларнынъ эр айлыкъ топлашувы олып кечти.
Дин хадимлери кечкен айда больгелеринде япкъан ишлери ичюн эсабат бердилер, оларны раатсызлагъан ве меракъландыргъан суаллеринен пайлаштылар ве март айы ичюн планларыны бельгиледилер.
Бундан да гъайры, Къырым Муфтисининъ муавини Раим Гъафаров имамларгъа ватанперверлик, Ватангъа севги ве илян этильген Къоруйыджы йылынынъ муимлиги акъкъында дерсини кечирди.
Къырым МДИ матбуат хызмети