В.М. Лебедев адына Русие девлет адлие университетининъ Къырым филиалында Халкъара халкълар достлугъы фестивали олып кечти. Къырым Джумхуриети ве Севастополь шеэри мусульманлары диний идареси адындан тедбирде Къырым Муфтисининъ муавини Раим Гъафаров иштирак этти.
Тедбирнинъ эсас гъаеси – несиллер арасында тарихий девамлылыкънынъ сакъланмасыны, миллий медениетнинъ ве тильнинъ сакъланылып инкишаф этмесини, Къыры халкъларынынъ тарихий ве медений мирасына мукъайт давранув мунасебетининъ тербие этильмесини теминлемектир.
Фестиваль учь кунь девам этти, шу вакъыт ичинде мусафирлер Къырымда яшагъан халкъларнынъ медениети, урф-адети, миллий ашлары ве мусафирченлиги акъкъында чокъ меракълы шейлер огрендилер. Халкълар достлугъы фестивалинде Къырымда яшагъан 14 халкънынъ темсильджилери иштирак эттилер.
Тедбирде Къырым иджра органларынынъ тимсильджилери, халкъ векиллери, миллий-медений джемиетлернинъ ве джемаат тешкилятларынынъ векиллери иштирак эттилер.
Къырым МДИ матбуат хызмети