İmam Maturidiy adına Qalay islâmiy ilimler medresesiniñ rehberligi oquv yılınıñ birinci çeriginde eñ muvafaqiyetli olğan talebeleri içün Aqmescitke meraqlı seyaatnı teşkil etti.
Oğlanlar bölüginiñ talebeleri Qırım Cumhuriyeti ve Sevastopol şeeri musulmanları diniy idaresini ve Cuma camini ziyaret ettiler. Müftilikniñ faaliyeti ve leyhaları aqqında Qırım Müftisiniñ muavini Remzi Qurtdede tarif etti. Bundan da ğayrı, o, cami boyunca ekskursiyanı keçirdi.
Bundan soñ talebeler içün şeerniñ ticaret merkezinlerinden birince eglence programması ve aqşam yemegi teşkil olundı.
Medrese ocalarınıñ qayd etkenine köre, oquv müessisesinde böyle ziyaretlerni teşkil etmek artıq adetke çevirildi ve olar talebelerni daa güzel oqumağa teşviq ete.
Qırım MDİ matbuat hızmeti