“Merhametlik lâlesi” ile yardım qolunı uzat | ЦРО ДУМК

Вс

09

февраля

10
Шабан
1446 | 2025
Утр.6:25
Вос.7:42
Обед.13:03
Пол.15:38
Веч.18:13
Ноч.19:31
Времена намазов
Календарь 2025

Намаз

“Merhametlik lâlesi” ile yardım qolunı uzat

Опубликовано:

Cumhuriyetimizde “Merhametlik lâlesi” bütünqırım hayriye aktsiyası başlandı. Aktsiya Qırım Cumhuriyetiniñ Başlığı Sergey Aksönovnıñ destegi ile keçirile. Aktsiyada iştirak etmek içün Qırım Cumhuriyetiniñ umumtahsil ve mektepten evel tahsil müessiseleri davet etile.

Buña ilâve olaraq, Qırım Müftiligi bütün istegenlerni – studentlerni, şeer ve rayon memuriyetlerini, medeniyet erbaplarını, imamlarnı, din cemiyetleriniñ azalarını, cemaat erbaplarını işbu aktsiyağa qoşulmağa davet ete.

“Balalarnıñ ellerinen ve büyüklerniñ eyi niyetlerinen” şiarı astında keçirilgen aktsiya 2025 senesi, aprel 30-ğa qadar keçirilecek. Ögümizdeki aylarda istegenler aktsiyanıñ timsali olğan lâlelerni çeşit şekillerde ve farqlı malzemelerden – kâğıttan, boncuqlardan, qumaçtan, sabundan, resim, taqı ya da diger şekillerde yapa bileler. Mart ayından başlap, işbu elyapmalar farqlı meydançıqlarda satılacaq.

Qırım musulmanları diniy idaresi 2020 senesinden başlap er yıl “Merhametlik lâlesi” bütünqırım hayriye aktsiyasını keçire. Aktsiyanıñ esas maqsadı – Qırım ve Sevastopol şeeri musulmanları diniy idaresine (Tavriya Müftiyatına) muracaat etken ağır hasta balalarnıñ qorantalarına maddiy yardım köstermektir.

2025 senesi toplanğan paralar, em de, mahsus arbiy operatsiya iştirakçileriniñ balaları içün hayriye tedbirleriniñ teşkil etilüvine masraf etilecek.

 

Qırım MDİ matbuat hızmeti