Qırım Cumhuriyeti ve Sevastopol şeeri Müftisi hacı Emirali Ablayev Qırım Cumhuriyeti Devlet Şurasınıñ halq vekili, Qırım Cumhuriyeti Devlet Şurasınıñ halq diplomatiyası ve bölgelerara bağlar boyunca komitet başlığınıñ muavini Aleksandr Kombarovnen körüşti.
Körüşüv esnasında yaş nesilniñ ve umumen cemiyetniñ vatanperlik duyğusı ile terbiyelenmesi mevzusı muzakere etildi. Farqlı milletler ve dinler mensüpleri arasında dialognıñ emiyeti, barışıqlıq ve muabbetlikniñ saqlanıluvı mevzularına ayrı diqqat ayırıldı. Buña ilâve olaraq, hayriye meselesi ve Mahsus arbiy operatsiya iştirakçilerine ve olarnıñ qorantalarına yardım kösterilüvi muzakere etildi.
Aleksandr Kombarov Qırım Müftisine cemaat ve hayriye işlerinde faal iştirak etkeni içün teşekkür bildirdi ve MAO iştirakçileri ve olarnıñ qorantalarına destek köstergeni munasebetinen oña taqdirname ve medal taqdim etti.