Мухаммед Исламов Акъмесджит аписханелерини зиярет этти | ЦРО ДУМК

Вс

09

февраля

10
Шабан
1446 | 2025
Утр.6:25
Вос.7:42
Обед.13:03
Пол.15:38
Веч.18:13
Ноч.19:31
Времена намазов
Календарь 2025

Намаз

Мухаммед Исламов Акъмесджит аписханелерини зиярет этти

Опубликовано:

Къырым Муфтисининъ Джезаларны иджра этюв федераль хызмети идареси (УФСИН) иле ишбирлик боюнджа муавини Мухаммед Исламов ве шу идареси башлыгъынынъ инангъанлар иле чалышув боюнджа ярдымджысы, протоиерей Роман Цуркан Акъмесджит шеэрининъ №2 тахкикъат изоляторыны зиярет эттилер.

Динлерара иш такъымынынъ иштиракчилери №2 тахкикъат изоляторынынъ рехберлери ве хадимлеринен мушаверени кечирдилер ве 2025 сенеси ичюн ватан къоруйыджысы йылына ве Улу Ватан дженкинде гъалебенинъ 80 йыллыгъына багъышланып берабердже кечириледжек тедбирлернинъ планыны музакере эттилер. Муэссиседе булунгъан инсанларнынъ экстремизм ве терроризм, деструктив арекетлерге къаршы профилактик тедбирлер де музакере этильди. Бунъа иляве оларакъ, джеза чеккен, махкюм этильген ве джинает япмаларында занлы олгъан я да джинает япмалары иддиа этильген инсанлар ичюн диний тедбирлернинъ кечирилюви ве бу инсанларнынъ маневий-ахлякъий тербиеси меселелери бакъылды.

Бундан да гъайры, Мухаммед Исламов Акъмесджитнинъ №1 тюзетюв колониясыны зиярет этти. Диндашларымызнен корюшип, диний маариф сухбетни кечирди ве колониянынъ джамисинде джума намазнынъ кечирилюви меселесини музакере этти.

 

Къырым МДИ матбуат хызмети