Qırım ve Sevastopol Müftisiniñ muavini, Aqmescit şeeriniñ baş imamı Muhammed İslamov Cezalarnı icra etüv federal hızmetiniñ idaresi (ÜFSİN) başlığınıñ diniy meseleler boyunca yardımcısı, protoiyerey Roman Tsurkan ile birlikte Aqmescit şeeriniñ №1 Tüzetüv koloniyasını ziyaret etip, dinlerara iş taqımınıñ toplaşuvında iştirak etti.
Ziyareti esnasında Muhammed İslamov apishanede yerleşken camini ziyaret etip, musulman mahkümlernen körüşti. Körüşüv esnasında o, keleyatqan mubarek Ramazan ayı aqqında tarif etti. Suhbetten soñra cemaatnen birlikte üyle namazı qılındı.
“Men balalarğa bizim diniy yetekçimiz hacı Emirali Ablayevden destek sözlerini yetiştirdim. Biz cemaat namazını qıldıq. Rabbimizge dua etip, bizge bereket bermesini ve mubarek Ramazan ayına qavuştırmasını niyaz ettik”, – dedi Muhammed İslamov.
Qırım MDİ matbuat hızmeti